^SEHIPILER^
56-Süre Waqi’e
Wednesday, September 19, 2007
<< Ana Sayfa - Bash Bet - Main Page>>
Qur'an Kerim
Uyghurche Terjimisi
56-Süre Waqi’e
Medinide nazil bolghan, 96 ayet.
Uyghurche Terjimisi
56-Süre Waqi’e
Medinide nazil bolghan, 96 ayet.
Nahayiti shepqetlik we méhriban Allah ning ismi bilen bashlaymen
Qiyamet qayim bolghan chaghda [1], héch Adem uni inkar qilalmaydu [2]. Zémin qattiq tewritilgen, taghlar parchilinip tozandek tozup ketken chaghda, qiyamet (bezilerni dozaxqa kirgüzüsh bilen derijisini) chüshüridu (bezilerni jennetke kirgüzüsh bilen derijisini) kötüridu [3ـ6]. Siler (qiyamette) üch pirqighe bölünisiler [7]. (birinchi pirqe) saadetmenlerdur, saadetmenler qandaq Ademler? (ular name-emali ong teripidin bérilidighan) Ademlerdur [8]. (ikkinchi pirqe) bextsiz Ademlerdur, bextsiz Ademler qandaq Ademler? (ular name-emali sol teripidin bérilidighan Ademlerdur [9]. (üchinchi pirqe yaxshi ishlarni) eng aldida qilghuchilar bolup, (ular jennetke) eng aldida kirgüchilerdur [10]. Ular nazunémetlik jennetlerde Allah qa yéqin bolghuchilardur [11ـ12]. Bular ötkenkilerning ichide köptur, kéyinkilerning ichide azdur [13ـ14]. Ular (altundin) toqulghan textler üstige yölen'gen halda bir-birige qariship olturuishidu [15ـ16]. (qérimay) hemishe bir xil turidighan ghilmanlar éqip turghan sharabtin toldurulghan piyale, cheynek, jamlarni ulargha aylinip sunup turidu [17ـ18]. U sharabni ichish bilen ularning béshi aghrimaydu, mest bolmaydu [19]. Ulargha ixtiyar qilghan méwiler we köngülliri tartqan qush göshliri bérilidu [20ـ21]. Ulargha sedepning ichidiki göherge oxshaydighan shehla közlük hörler bérilidu [22]. Bu ularning qilghan yaxshi emellirini mukapatlash üchündur [23]. Ular jennette biHude we yalghan sözlerni anglimaydu, peqet "salam! Salam!" sözinila anglaydu [24ـ25]. Saadetmenlerning (yeni name-emali ong tereptin bérilgenlerning) ehwali nahayiti yaxshi bolidu [26]. Saadetmenler qandaq Ademler? [27]. Ular sidri derexliridin, sanjaq-sanjaq bolup ketken mewz derexliridin, hemishe turidighan sayidin, éqip turghan sudin, tügimeydighan we cheklenmeydighan méwilerdin, égiz (yumshaq) tösheklerdin behrimen bolidu [28ـ34]. Shübhisizki, biz hörlerni yéngidin yarattuq, ularni pakiz, erlirige amraq, tengtush qilduq [35ـ37]. Bu hörler saadetmenler üchündur [38]. Bular bolsa ilgirikilerning ichidin bir jamaedur [39]. Kéyinkilerning ichidin bir jamaedur [40]. Bextsizler (yeni name-emali sol teripidin bérilgenler) (dozixilardur). Bextsizler qandaq Ademler? [41] ular (bedenning töshüklirige kirip kétidighan ateshlik shamalning, ziyade hararetlik qaynaqsuning we qara tütündin bolghan salqinmu emes, körkemmu emes sayining ichide bolidu [42ـ44]. Chünki ular buningdin ilgiri (yeni dunyada) shehwetke chömgen idi [45]. Ular chong gunahta (yeni kufrida) ching turghan idi [46]. Ular: "biz ölüp topigha we quruq söngekke aylan'ghan chaghda biz choqum tirildürülemduq? Ata-bowilirimizmu tirildürülemdu?" deytti [47ـ48]. Éytqinki, "ilgirikiler we kéyinkiler melum künning mueyyen waqtida (yeni qiyamette) toplinidu [49ـ50]. Andin siler, i qayta tirilishni inkar qilghuchi gumrahlar! [51] choqum zeqqum derixidin yeysiler [52]. Uningdin qorsaqliringlarni toldurisiler [53]. Uning üstige harariti yuqiri bolghan qaynaqsuni teshna bolghan tögilerdek ichisiler [54ـ55]. Mana bu, ularning qiyamet künidiki ziyapitidur [56]. (insanlar!) silerni biz yarattuq, siler qayta tirilishke ishenmemsiler? [57] siler (ayallarning bechidanigha) tökülgen meniniy dep béqinglarchu [58]. Uni siler (insan qilip) yaritamsiler? Yaki biz (insan qilip) yaritamduq [59]. Biz silerning aranglarda ölümni belgiliduq (yeni her béringlarning ölüsh waqtini békittuq), silerni bashqa bir qewmge almashturushtin we silerni siler bilmeydighan bir shekilde yaritishtin ajiz emesmiz [60ـ61]. Shübhisizki, siler deslepki yaritishni bildinglar (yeni deslepte Allah ning silerni yoqtin bar qilghanliqini tonudunglar). Siler (Allah ning silerni deslep yaratqandek qayta yaritishini) oylimamsiler? [62] siler térighan ziraetni dep béqinglarchu [63]. Uni siler ündürdünglarmu yaki biz ündürüp (dan chiqidighan ziraet qilip östürduqmu?) [64]. Eger biz xalisaq elwette uni dansiz quruq chöpke aylandurattuq-de, siler ejeblinip qayghurattinglar [65]. Siler: "biz heqiqeten (emgek bilen uruqni) ziyan tarttuq, belki biz (riziqtin) mehrum qalduq" (deyttinglar) [66ـ67]. Siler ichiwatqan suni dep béqinglarchu [68]. Uni buluttin siler chüshürdünglarmu yaki biz chüshürduqmu? [69]. Eger biz xalisaq uni tuzluq qilip qoyattuq (perwerdigaringlarning zor németlirige) némishqa shükür qilmaysiler? [70]. Siler yanduruwatqan otni dep béqinglarchu [71]. Uning derixini (yeni murxu, ubar namliq birining shéxini birige sürkise höl turupla ot alidighan derexni siler östürdünglarmu yaki biz östürduqmu? [72] uni biz ibret we yoluchilar paydilinidighan nerse qilduq [73]. Ulugh perwerdigaringni (mushriklarning iptiraliridin) pak étiqad qilghin [74]. Yultuzlarning jayliri bilen qesem qilimen qilimen [75]. Shübhisizki, eger bilsenglar, u (yultuzlar Allah ning ulugh qudritini körsitidighanliqi üchün) elwette katta qesemdur [76]. Shek-shübhisizki, u ulugh qur'andur [77]. Kitabta (yeni lewhulmehpuzda) saqlan'ghandur [78]. Uni peqet pak bolghanlarla tutidu [79]. U alemlerning perwerdigar teripidin nazil qilin'ghandur [80]. (i kuffarlar jamaesi!) bu qur'anni inkar qilamsiler? [81] (siler Allah ning riziq bergenlikige) shükür qilishning ornigha, riziq bergüchini) inkar qilamsiler? [82] jan helqumgha yetken chaghda (sekrattiki kishige) qarap turisiler [83ـ84]. Biz (ilmimiz we qudritimiz bilen) uninggha silerdin yéqinmiz, lékin siler (uni) körmeysiler (yeni bilmeysiler) [85]. Eger (siler guman qilghandek emelinglargha qarap) jazagha tartilmaydighan bolsanglar némishqa uni (yeni u méyitning jénini bedinige qayturmaysiler? Eger (sözünglarda) rastchil bolsanglar [86ـ87]. Eger u méyit muqerreblerdin (yeni taet-ibadet we yaxshi ishlarni eng aldida qilghuchilardin) bolidighan bolsa, (uning mukapati) rahet-paraghet, yaxshi riziq we nazunémetlik jennet bolidu [88ـ89]. Eger u saadetmenlerdin bolidighan bolsa, (ular rahet-paraghette bolghanliqi üchün) (i Muhemmed!) ulardin sanga salam! [90ـ91] eger u tirilishni inkar qilghuchi gumrahlardin bolidighan bolsa, yuqiri hararetlik qaynaqsu bilen kütüwélinidu [92ـ93]. Jehennemde köydürülidu [94]. Shek-shübhisizki, bu éniq heqiqettur [95]. Ulugh perwerdigaringni (mushriklarning étirazliridin) pak étiqad qilghin [96].
Munderijige Qaytimen
