^SEHIPILER^
73-Süre Muzzemmil
Thursday, July 26, 2007
<< Ana Sayfa - Bash Bet - Main Page>>
Qur'an Kerim
Uyghurche Terjimisi
73-Süre Muzzemmil
Mekkide nazil bolghan, 20 ayet.
Uyghurche Terjimisi
73-Süre Muzzemmil
Mekkide nazil bolghan, 20 ayet.
Nahayiti shepqetlik we méhriban Allah ning ismi bilen bashlaymen
I kiyimge yöginiwalghuchi (peyghember!) [1] kéchining azghinisidin bashqisida, yérimida yaki yérimidinmu azraqida yaki yérimidin köprekide namaz oqughin, qur'anni tertil bilen (yeni dane-dane, ochuq) oqughin [2ـ4]. Sanga heqiqeten tentenilik qur'anni nazil qilimiz [5]. Shübhisizki, kéchining qiyami (yeni kéchide kishining ibadet qilishi üchün uyqudin oyghinip turushi) eng muwapiqtur, (tinch bolghanliqi üchün) kéchining qiraiti eng toghra bolidu [6]. Heqiqeten kündüzi ish bilen aldirash bolisen, (shunga ibadetke) kéchisi bérilgin [7]. Perwerdigaringning namini yad etkin, (ibaditingda) uninggha toluq yüzlen'gin [8]. U meshriqning we meghribning perwerdigaridur, uningdin bashqa héch ilah yoqtur, uni hamiy qiliwalghin (yeni hemme ishingni uninggha tapshurghin) [9]. Ularning (yeni Mekke kuffarlirining) (séni séhirger, shair, mejnun dégen) sözlirige sewr qilghin, ularni chirayliqche terk etkin [10]. (i Muhemmed! Méning ayetlirimni) inkar qilghuchi döletmenlerni manga qoyuwetkin (yeni ularning jazasini özüm bérimen), ulargha azghina möhlet bergin [11]. Shübhisizki, bizning dergahimizda (ulargha) éghir ishkeller we (köydürgüchi) dozax bar [12]. (zeqqum, zeridin ibaret) galdin ötmeydighan tamaq we qattiq azab bar [13]. U künde zémin we taghlar qattiq tewreydu, taghlar bir döwe tarqaq qumgha aylinidu [14]. Shübhisizki, biz pir'ewn'ge bir peyghemberni ewetkendek, silerge (emelinglargha) guwahliq bergüchi bir peyghemberni ewettuq [15]. Pir'ewn peyghemberge (yeni Musa eleyhissalamgha) asiyliq qildi (yeni pir'ewn Musa eleyhissalamgha iman éytmay, uni yalghan'gha chiqardi, i qureysh jamaesi! Siler Muhemmed eleyhissalamgha asiyliq qilghandek, pir'ewnmu Musa eleyhissalamgha asiyliq qilghan idi), shuning bilen uni qattiq jazaliduq [16]. (i qureysh jamaesi!) eger iman éytmisanglar, (dehshitidin) balilarning béshini aqartiwétidighan kündin qandaq saqlinisiler [17]. U künning (dehshitidin) asman yérilidu, Allah ning wedisi choqum emelge ashidu (chünki Allah wedisige xilapliq qilmaydu) [18]. Bu ayetler heqiqeten wez-nesihettur, (bu wez-nesihettin paydilinishni) xalighan Adem perwerdigarigha yetküzidighan yolni tutsun [19]. (i Muhemmed!) shübhisizki, perwerdigaring séning we sen bilen bolghanlarning (yeni sahabiler) din bir top Ademning (tehejjud namizi üchün) kéchining üchtin ikki hessiside, yérimida we üchtin bir hessiside turidighanliqinglarni bilidu, kéche bilen kündüzning (uzunluqi) ni Allah aldin'ala belgileydu, silerning uni hésablap bolalmaydighanliqinglarni Allah bilidu, Allah silerge rehim qildi (yeni kéchide tehejjud namizi oqushning perzlikini) emeldin qaldurdi, tehejjud namizidin silerge qulay bolghanni oqunglar, Allah biliduki, bezinglar késel bolup qalisiler, beziler Allah ning pezlini tilep (yeni tijaret qilip) yer yüzide seper qilidu, yene beziler Allah ning yolida jihad qilidu, shuning üchün uningdin (yeni tehejjud namizidin) qulay bolghanni oqunglar, (perz) namazni ada qilinglar, zakatni béringlar, Allah qa qerziy hesene béringlar (yeni Allah ning raziliqi üchün yaxshiliq yollirigha pul-mal serp qilinglar), özünglar üchün (dunyada) qaysibir yaxshi ishni qilsanglar, Allah ning dergahida téximu yaxshi, téximu katta sawabqa érishisiler (dunya bolsa paniydur, axiret bolsa baqiydur yaxshi bendiler üchün Allah ning dergahidiki sawab hemmidin artuqtur), Allah tin meghpiret tilenglar, Allah heqiqeten nahayiti meghpiret qilghuchidur, nahayiti méhribandur [20].
Munderijige Qaytimen
